2010-01-14

കുവൈത്ത് വിസാ നിയമം കര്‍ശനമാക്കി

കുവൈത്ത് സിറ്റി: കുവൈത്തില്‍ വിസാ നിയമങ്ങള്‍ കര്‍ശനമാക്കിക്കൊണ്ട് ഉത്തരവിറക്കി. വ്യക്തമായ പരിശോധനയ്ക്ക് ശേഷം മാത്രമേ ഇനി രാജ്യത്തേയ്ക്ക് ആളുകളെ പ്രവേശിപ്പിക്കുകയുള്ളൂവെന്ന് കുവൈത്ത് ആഭ്യന്തര മന്ത്രാലയം അറിയിച്ചു. താമസിക്കുന്ന രാജ്യത്തു നിന്നുള്ള പൊലീസിന്റെ ക്ലിയറന്‍സ് സര്‍ട്ടിഫിക്കറ്റില്ലാതെ ഒരു തരത്തിലുള്ള വിസയും അനുവദിക്കേണ്ടെന്നാണ് ആഭ്യന്തര മന്ത്രാലയത്തിന്‍റെ തീരുമാനം. കുവൈത്തിലെത്തുന്നവര്‍ ഇനി ഏത് രാജ്യത്തു നിന്നാണോ വരുന്നത് ആ രാജ്യത്തെ

View Original Article

Blogged with the Flock Browser

സംസ്ഥാനത്തെ സ്‌കൂളുകള്‍ക്ക്ഏകീകൃത കോഡ് നല്‍കുന്നു

താഹിര്‍ കൊട്ടാരക്കര

കൊട്ടാരക്കര: സംസ്ഥാനത്തെ സ്‌കൂളുകളെ സംബന്ധിച്ച മുഴുവന്‍ വിവരങ്ങളും മൗസ്‌പോയിന്റുകളില്‍ എത്തിക്കുവാനുള്ള വിദ്യാഭ്യാസ വകുപ്പിന്റെ പ്രവര്‍ത്തനങ്ങള്‍ക്കു പ്രാരംഭ നടപടിയായി. സംസ്ഥാനത്തെ മുഴുവന്‍ സ്‌കൂളുകള്‍ക്കും യൂനിഫോം സ്‌കൂള്‍ കോഡ് നല്‍കുകവഴി ഏതു നിമിഷവും സ്‌കൂളുകളെ സംബന്ധിച്ച് വിവരങ്ങള്‍ ഇന്റര്‍ നെറ്റിലൂടെ ശേഖരിക്കാവുന്ന രീതിയിലാണ് സംരഭം.
സ്‌റ്റേറ്റ് ഇന്‍സ്റ്റിറ്റിയൂട്ട്ഓഫ് എജ്യുക്കേഷണല്‍ മാനേജ്‌മെന്റ് ട്രെയിനിങ് (എസ്.ഐ.ഇ.എം.എ.റ്റി) നേതൃത്വത്തിലാണ് സ്‌കൂളുകള്‍ക്ക് കോഡ് നല്‍കുന്ന പ്രവര്‍ത്തനങ്ങ്ള്‍ ഏകോപിപ്പിക്കുന്നത്. എല്‍.പി, യു.പി, ഹൈസ്‌കൂള്‍, ഹയര്‍സെക്കന്‍ഡറി, വൊക്കേഷനല്‍ ഹയര്‍സെക്കന്‍ഡറി, ഐ.സി.എസ്.ഇ, സി.ബി.എസ്.ഇ, സ്‌പെഷ്യല്‍ സ്‌കൂള്‍, എയ്ഡഡ് റക്കഗ്‌നൈസ്ഡ് എന്നീ സ്‌കൂളുകളുടെ മുഴുവന്‍ വിവരങ്ങളും പദ്ധതിക്കായി ശേഖരിക്കും. ഇതിനായി സംസ്ഥാനതലത്തില്‍ പ്ലാനിങ് ആന്റ് മാനേജ്‌മെന്റ് ഫാക്കല്‍റ്റികള്‍ക്ക് എറണാകുളത്ത് വച്ചു വിദഗ്ധ പരിശീലനം നല്‍കിക്കഴിഞ്ഞു. ജില്ലാതലത്തിലെ പരിശീലനങ്ങള്‍ ഈ മാസം 18 മുതല്‍ ജില്ലാ വിദ്യാഭ്യാസ പരിശീലനകേന്ദ്രത്തില്‍ നടക്കും. പഞ്ചായത്ത്് തലത്തില്‍ മുഴുവന്‍ സ്‌കൂളുകളുടെയും ടൈപ്പ് ഓഫ് മാനേജ്‌മെന്റ് ഉള്‍പ്പെടെ വിവരങ്ങള്‍ കൃത്യമായി ശേഖരിക്കുവാന്‍ ഡി.ഇ.ഒ മാര്‍ക്കും എ.ഇ.ഒ മാര്‍ക്കും നിര്‍ദേശം നല്‍കിക്കഴിഞ്ഞിട്ടുണ്ട്. ജില്ലാതലങ്ങളില്‍ ജില്ലാ പ്രോജക്ട് ഓഫിസര്‍, ജില്ലാവിദ്യാഭ്യാസ ഓഫിസര്‍ ഉപജില്ലാ വിദ്യാഭ്യാസ ഓഫിസര്‍ സപ്പോര്‍ട്ടിങ് ജീവനക്കാര്‍ എന്നിവര്‍ക്ക് യൂനിഫോം സ്‌കൂള്‍ കോഡ് സംബന്ധിച്ച വിദഗ്ധ പരിശീലനം നല്‍കും.
സംസ്ഥാനത്തെ സ്‌കൂളുകളെയും ഇത്തരം കോഡ് നല്‍കി ശൃംഖലയില്‍ പെടുത്തുന്നതോടെ സ്‌കൂളുകളെ സംബന്ധിച്ച ഏതു വിവരവും നിമിഷ നേരം കൊണ്ടു വിദ്യാഭ്യാസ വകുപ്പിന്റെ ആസ്ഥാനത്തു ലഭ്യമാവും. ഇതോടെ അംഗീകൃതമല്ലാത്ത വിദ്യാഭ്യാസ സ്ഥാപനങ്ങളുടെ പ്രവര്‍ത്തനം തടയുവാനും വിദ്യാഭ്യാസ സ്ഥാപനങ്ങളുടെ നിയന്ത്രണസംവിധാനം ഏര്‍പ്പെടുത്തുവാനും സാധിക്കുമെന്നാണു വിദ്യാഭ്യാസ വകുപ്പ് പ്രതീക്ഷിക്കുന്നത്്.

http://thejasnews.com/portal/index.jsp#1074

2010-01-13

ത്രിരാഷ്ട്ര ക്രിക്കറ്റ്‌: ശ്രീലങ്കക്ക്‌ കിരീടം

ധാക്ക: ത്രിരാഷ്ട്ര ക്രിക്കറ്റിന്റെ ഫൈനലില്‍ ഇന്ത്യയെ തോല്‍പ്പിച്ച്‌ ശ്രീലങ്ക കിരീടം ചൂടി . ടോസ്‌ നേടിയ ശ്രീലങ്ക ഇന്ത്യയെ ബാറ്റിങ്ങിനയക്കുകയായിരുന്നു. 48.2 ഓവറില്‍ 245 റണ്‍സിന്‌ ഇന്ത്യയുടെ പത്തുവിക്കറ്റുകളും നിലംപൊത്തി. 60റണ്‍സിന്‌ അഞ്ച്‌ വിക്കറ്റുകള്‍ നഷ്ടമായ ഇന്ത്യയെ പൊരുതാവുന്ന സ്‌കോറിലേക്ക്‌ നയിച്ചത്‌ സുരേഷ്‌ റെയ്‌നയും(106) രവീന്ദ്ര ജഡേജ(38)യുമാണ്‌. 27 ബോളില്‍ ഏഴുഫോറുകളടക്കം 42 റണ്‍സെടുത്താണ്‌ സെവാഗ്‌ പുറത്തായത്‌. കഴിഞ്ഞ മല്‍സരത്തില്‍ സെഞ്ച്വറി നേട്ടം കരസ്ഥമാക്കിയ വിരാട്‌ കോഹ്‌്‌ലി(2), ഗൗതം ഗംഭീര്‍, യുവരാജ്‌ സിങ്‌ എന്നിവര്‍ പൂജ്യത്തിനും പുറത്തായത്‌ ഇന്ത്യക്ക്‌ കനത്ത തിരിച്ചടിയായി. മറുപടി ബാറ്റിങ്ങില്‍ ശ്രീലങ്കയുടെ ഓപണിങ്‌ ബാറ്റ്‌സ്‌മാന്‍ തരങ്കയെ നെഹ്‌്‌റ പൂജ്യത്തിനു മടക്കി ഇന്ത്യക്ക്‌ പ്രതീക്ഷ നല്‍കിയെങ്കിലും വീറുറ്റ പോരാട്ടത്തിലൂടെ ശ്രീലങ്ക വിജയം സ്വന്തമാക്കുകയായിരുന്നു. 49ാം ഓവറില്‍ ശ്രീശാന്തിനെ അടുപ്പിച്ച്‌ മൂന്നുതവണ ബൗണ്‌ടറിക്ക്‌ പായിച്ചാണ്‌ ജയവര്‍ധന ശ്രീലങ്കക്ക്‌ വിജയം സമ്മാനിച്ചത്‌. സ്‌കോര്‍ 48.3 ഓവറില്‍ ആറ്‌ വിക്കറ്റ്‌ നഷ്ടത്തില്‍ 249 റണ്‍സ്‌.

ആസ്‌ത്രേലിയന്‍ ടീമിനെ മഹാരാഷ്ട്രയില്‍ കളിക്കാന്‍ അനുവദിക്കില്ല: താക്കറെ



ന്യൂഡല്‍ഹി: ആസ്‌ത്രേലിയയില്‍ ഇന്ത്യക്കാര്‍ക്കെതിരേ വ്യാപകമായ അക്രമങ്ങള്‍ തുടരുന്ന പശ്ചാത്തലത്തില്‍ ആ നാട്ടില്‍ നിന്നുള്ള ക്രിക്കറ്റ്‌ ടീമിനെ മഹാരാഷ്ട്രയില്‍ കളിക്കാന്‍ അനുവദിക്കില്ലെന്ന്‌ ശിവസേന നേതാവ്‌ ബാല്‍ താക്കറെ.
രാജ്യസ്‌നേഹും നിലയും വിലയുമറിയാത്തവരാണ്‌ ഇന്ത്യന്‍ ക്രിക്കറ്റ്‌ താരങ്ങളെന്ന്‌ പാര്‍ട്ടി മുഖപത്രമായ സാമ്‌നയില്‍ അദ്ദേഹം ആരോപിച്ചു. ഇതിനു മുമ്പ്‌ പാകിസ്‌താനില്‍ നിന്നുള്ള താരങ്ങള്‍ മഹാരാഷ്ട്രയില്‍ കളിക്കാനെത്തുന്നതിനെ ശിവസേന വിലക്കിയിരുന്നു. അത്‌ ഇപ്പോഴും തുടരുന്നുണ്ട്‌. ആസ്‌ത്രേലിയയിലെ ക്വീന്‍സ്‌ ലാന്‍ഡ്‌ യൂനിവേഴ്‌സിറ്റി നല്‍കിയ ഡോക്ടറേറ്റ്‌ നിരസിച്ച അമിതാഭ്‌ ബച്ചന്‍ അഭിനന്ദനം അര്‍ഹിക്കുന്നതായി മുഖപ്രസംഗത്തില്‍ വ്യക്തമാക്കുന്നു.

ഹെയ്‌ത്തിയില്‍ വന്‍ഭൂകമ്പം



പോര്‍ട്ടോപ്രിന്‍സ്‌: ആഫ്രിക്കന്‍ രാജ്യമായ ഹെയ്‌ത്തിയില്‍ 200 കൊല്ലത്തിനിടയിലെ ഏറ്റവും ശക്തമായ ഭൂകമ്പം. റിക്ടര്‍ സ്‌കെയിലില്‍ 7.3 രേഖപ്പെടുത്തിയ ഭൂകമ്പത്തില്‍ പ്രസിഡന്റിന്റെ കൊട്ടാരമടക്കമുള്ള ഒട്ടുമിക്ക പ്രധാനകെട്ടിടങ്ങളും തകര്‍ന്നടിഞ്ഞിട്ടുണ്ട്‌. ഉച്ചയോടെയുണ്ടായ ആദ്യ ഭൂകന്വം ഏകദേശം ഒരു മിനിറ്റോളം നീണ്ടു നിന്നു. തുടര്‍ന്ന്‌ രണ്ട്‌ ശക്തമായ തുടര്‍ചലനങ്ങളുമുണ്ടായി. ആയിരകണക്കിനാളുകള്‍ മരിച്ചിട്ടുണ്ടാവുമെന്നാണ്‌ പ്രാഥമിക കണക്കുകള്‍ സൂചിപ്പിക്കുന്നത്‌.

2010-01-12

സൊറാബുദ്ദീന്‍ കേസ്‌ സി.ബി.ഐ അന്വേഷിക്കാന്‍ നിര്‍ദ്ദേശം




ന്യൂഡല്‍ഹി: വ്യാജഏറ്റുമുട്ടലില്‍ സൊറാബുദ്ദീന്‍ ശൈഖ്‌ കൊല്ലപ്പെട്ട കേസില്‍ സി.ബി.ഐ അന്വേഷണത്തിന്‌ സുപ്രിം കോടതി നിര്‍ദ്ദേശം നല്‍കി. 2005ല്‍ സൊറാബുദ്ദീന്‍ ശൈഖിനെയും ഭാര്യയെയും വ്യാജ ഏറ്റുമുട്ടലിലൂടെ കൊല്ലുകയായിരുന്നു. നരേന്ദ്രമോഡി സര്‍്‌ക്കാറിന്‌ അനുകൂലമായ റിപോര്‍ട്ടാണ്‌ ഈ സംഭവത്തെ കുറിച്ച്‌ നേരത്തെ അന്വേഷിച്ച ഉദ്യോഗസ്ഥസംഘം നല്‍കിയത്‌. ഇത്‌ ചോദ്യം ചെയ്‌തു സഹോദരന്‍ നല്‍കിയ ഹരജിയിലാണ്‌. ജസ്‌റ്റീസുമാരായ തരുണ്‍ ചാറ്റര്‍ജിയും അഫ്‌താബ്‌ ആലമും ചരിത്രപ്രധാനമായ ഈ വിധിപുറപ്പെടുവിച്ചത്‌.

ഇന്‍ഫോസിസിന്‌ മികച്ച ലാഭം


മുംബൈ: സാമ്പത്തികവര്‍ഷത്തിന്റെ മൂന്നാം പാദത്തില്‍ പ്രമുഖ ഐ.ടി കമ്പനിയായ ഇന്‍ഫോസിസിന്‌ മികച്ച പ്രവര്‍ത്തനലാഭം. 1599 കോടി രൂപയാണ്‌ കമ്പനി ഈ കാലയളവില്‍ നേട്ടമുണ്ടാക്കിയത്‌. കഴിഞ്ഞ വര്‍ഷം ഇതേ സമയത്ത്‌ ഇത്‌ 1040 കോടി രൂപയായിരുന്നു.

വിവാദം നിര്‍ഭാഗ്യകരം; എത്രയും വേഗം പരിഹരിക്കണമെന്ന്‌ ഷാരൂഖ്‌



കൊല്‍ക്കത്ത: ഇന്ത്യന്‍ ഹോക്കിയില്‍ ഇപ്പോഴുണ്‌ടായ വിവാദങ്ങള്‍ നി ര്‍ഭാഗ്യകരമാണെന്നും എത്ര യും വേഗം ഇത്‌ പരിഹരിക്കണമെന്നാണ്‌ തന്റെ ആഗ്രഹമെന്നും ബോളിവുഡ്‌ സൂപ്പര്‍താരം ഷാരൂഖ്‌ ഖാന്‍ അഭിപ്രായപ്പെ ട്ടു. ``ഹോക്കി വളരെ പ്രത്യേകതയുള്ള മ ല്‍സരവും നമ്മുടെ ദേശീയ കായിക വിനോദവുമാണ്‌. ഇപ്പോഴത്തെ സംഭവങ്ങ ള്‍ ഖേദകരമാണ്‌''- ചക്‌ദേ ഇന്ത്യ എന്ന സൂപ്പര്‍ ഹിറ്റ്‌ ചിത്രത്തില്‍ ഹോക്കി കോച്ചായി അഭിനയിച്ച ബോളിവുഡ്‌ ബാദ്‌ഷാ പറഞ്ഞു.

സദസ്സറിഞ്ഞു വേണം പ്രസംഗിക്കാനെന്ന്‌ സക്കറിയയോട്‌ പിണറായി

തിരുവനന്തപുരം: സദസ്സറിഞ്ഞു വേണം പ്രാസംഗികര്‍ യോഗങ്ങളില്‍ സംസാരിക്കാനെന്നു സി.പി.എം സംസ്ഥാന സെക്രട്ടറി പിണറായി വിജയന്‍. ഒരു പ്രദേശത്തെ ആളുകളുടെ വികാരത്തെ വ്രണപ്പെടുത്തുന്ന രീതിയില്‍ ആരും സംസാരിക്കരുത്‌. ക്രിസ്‌തുവിനെ വിശ്വസിക്കുന്നവര്‍ പങ്കെടുക്കുന്ന സദസ്സില്‍ ക്രിസ്‌തുവിനെയും അല്ലാഹുവിനെ വിശ്വസിക്കുന്നവര്‍ പങ്കെടുക്കുന്ന സദസ്സില്‍ അല്ലാഹുവിനെയും ആക്ഷേപിച്ചാല്‍ എന്തു സംഭവിക്കും. അതാണു സക്കറിയയുടെ കാര്യത്തില്‍ സംഭവിച്ചതെന്നും പിണറായി പറഞ്ഞു. ഡി.വൈ. എഫ്‌.ഐ സംസ്ഥാന സമ്മേളനത്തിന്റെ സമാപന സമ്മേളനം ഉദ്‌ഘാടനം ചെയ്യുകയായിരുന്നു അദ്ദേഹം.
ഇ എം എസ്‌, എ കെ ജി, സുബ്രഹ്‌മണ്യ ഷേണായി എന്നീ മഹദ്‌വ്യക്തികളായിരുന്നു പയ്യന്നൂര്‍ സമരവുമായി ബന്ധപ്പെട്ട്‌ ഒളിവില്‍പ്പോയത്‌. അത്തരക്കാരെ ആക്ഷേപിക്കുന്ന നിലവന്നപ്പോഴാണ്‌ ഒരാള്‍ ഇതു ശരിയല്ലെന്നു പറഞ്ഞത്‌. എന്നാല്‍, സക്കറിയ അയാളോടു തട്ടിക്കയറുകയാണ്‌ ഉണ്‌ടായത്‌. ആളൊഴിഞ്ഞ വീട്ടില്‍ രാത്രി സ്‌ത്രീയും പുരുഷനും ഒന്നിച്ചു താമസിക്കുന്നതു ശ്രദ്ധയില്‍പ്പെട്ടാല്‍ ഈ വീടിനെ വ്യഭിചാരകേന്ദ്രമായി കണക്കാക്കും. അതാണു മഞ്ചേരിയിലും സംഭവിച്ചത്‌. സക്കറിയയുടെ ഒരു വരിപോലും കൊടുക്കാത്ത മാധ്യമങ്ങള്‍ ഇപ്പോള്‍ സക്കറിയ മഹാനാണെന്നു പറഞ്ഞാണു വാര്‍ത്തകള്‍ കൊടുക്കുന്നതെന്നും പിണറായി പറഞ്ഞു.
സി.പി.എമ്മില്‍ വരുമ്പോള്‍ത്തന്നെ കെ എസ്‌ മനോജ്‌ അരപ്പാതിരിയായിരുന്നു. വിശ്വാസികളെ സ്ഥാനാര്‍ഥിയാക്കി ക്കൂടാ എന്ന്‌ സി.പി.എമ്മിനില്ല. പൊതുജനങ്ങള്‍ക്കു വിശ്വാസമുള്ളവരെ സ്ഥാനാര്‍ഥികളാക്കണമെന്നാണ്‌ പാര്‍ട്ടി നിലപാട്‌. മനോജിന്റെ പുതിയ വെളിപാടു കൊണ്‌ട്‌ സി.പി.എമ്മിന്റെ ജനവിശ്വാസം ഇടിയുമെന്ന പ്രതീക്ഷയൊന്നും ആര്‍ക്കും വേണെ്‌ടന്നും അദ്ദേഹം പറഞ്ഞു.
http://thejasnews.com/portal/index.jsp#9940

സക്കറിയക്കു നേരെ കൈയേറ്റം; കേസെടുത്തു

കണ്ണൂര്‍: സക്കറിയയെ പയ്യന്നൂരില്‍ കൈയേറ്റം ചെയ്യാന്‍ ശ്രമിച്ച സംഭവത്തില്‍ കേസെടുത്തു. സംഭവം സംബന്ധിച്ചു മാധ്യമങ്ങളില്‍ വന്ന വാര്‍ത്തയെ തുടര്‍ന്ന്‌ പയ്യന്നൂര്‍ ബ്ലോക്ക്‌ കോണ്‍ഗ്രസ്‌ പ്രസിഡന്റ്‌ എ പി നാരായണ ന്‍ നല്‍കിയ പരാതിയെ തുടര്‍ന്ന്‌ കണ്‌ടാലറിയാവുന്ന സംഘത്തിനെതിരേയാണ്‌ കേസ്‌.
കഴിഞ്ഞദിവസം `ഡിസംബര്‍ ബുക്‌സ്‌' സംഘടിപ്പിച്ച ചടങ്ങില്‍, ഇടതുപക്ഷം ലൈംഗികതയുടെ കാര്യത്തില്‍ യാഥാസ്ഥിതികത്വം അടിച്ചേല്‍പ്പിക്കുകയാണെന്നു സക്കറിയ പ്രസംഗിച്ചിരുന്നു. മഞ്ചേരിയില്‍ രാജ്‌മോഹന്‍ ഉണ്ണിത്താനെയും യുവതിയെയും വീടുവളഞ്ഞു പിടികൂടിയ സംഭവത്തിലാണ്‌ സക്കരിയ ഡി.വൈ.എഫ്‌.ഐയെ വിമര്‍ശിച്ചത്‌. വി എസ്‌ പോലും പിടിക്കപ്പെടാമെന്ന അവസ്ഥയാണ്‌ കേരളത്തിലെന്നും സക്കരിയ പറഞ്ഞിരുന്നു. ഈ സമയത്തു വേദി നിയന്ത്രിച്ചത്‌ പു.ക. സ മുന്‍ സംസ്ഥാന സെക്രട്ടറി പി അപ്പുക്കുട്ടന്‍ മാസ്റ്ററായിരുന്നു.
പ്രസംഗം കഴിഞ്ഞു വേദി വിട്ട സക്കരിയയെ തടഞ്ഞുനിര്‍ത്തി പു.ക.സയുടെ ഏരിയാ നേതാവ്‌ പ്രതിഷേധം അറിയിച്ചു. ഇതിനുശേഷം താമസിച്ച ഹോട്ടലിലെത്തിയ സക്കരിയ ഇവിടെ നിന്നു തിരിച്ചുപോവാന്‍ കാറില്‍ കയറുമ്പോഴാണ്‌ സംഘം കൈയേറ്റത്തിനു ശ്രമിച്ചത്‌.
http://thejasnews.com/portal/index.jsp#9102