മുംബൈ: പ്രധാനമന്ത്രിസ്ഥാനത്തേക്ക്‌ എന്‍.സി.പി നേതാവ്‌ ശരത്‌ പവാറിനെ ശിവസേന പിന്തുണയ്‌ക്കില്ല. സേനാ എക്‌സിക്യൂട്ടീവ്‌ പ്രസിഡന്റ്‌ ഉദ്ദവ്‌ താക്കറെയാണ്‌ ഇക്കാര്യമറിയിച്ചത്‌. കര്‍ഷകരുടെ പ്രശ്‌നങ്ങള്‍ പരിഹരിക്കാന്‍ കഴിയാത്ത ഒരാള്‍ക്ക്‌ പ്രധാനമന്ത്രിയാവാനാവില്ലെന്ന്‌ പാര്‍ട്ടി പ്രകടനപത്രിക പുറത്തിറക്കിക്കൊണ്ട്‌ അദ്ദേഹം പറഞ്ഞു.
ഒരു മറാത്തക്കാരന്‍ പ്രധാനമന്ത്രിയാവണമെന്നു സേനാ നേതാവ്‌ ബാല്‍ താക്കറെ ആഗ്രഹം പ്രകടിപ്പിച്ചതിനെക്കുറിച്ച്‌ ചോദിച്ചപ്പോള്‍, മറാത്തക്കാരന്‍ എന്നാല്‍ പവാര്‍ മാത്രമാണെന്നു കരുതുന്നതു തെറ്റാണെന്ന്‌ ഉദ്ദവ്‌ പറഞ്ഞു
പവാര്‍ കൃഷിമന്ത്രിയായിരിക്കെയാണ്‌ മഹാരാഷ്ട്രയില്‍ ഏറ്റവും കൂടുതല്‍ ആത്മഹത്യ നടന്നത്‌. എന്‍.സി.പിയുമൊത്തു പോവാന്‍ ശിവസേനയ്‌ക്കാവില്ല. സംസ്ഥാനത്ത്‌ മാറ്റത്തിന്റെ കാറ്റ്‌ അനുഭവപ്പെടുന്നുണ്ട്‌. കേന്ദ്രത്തില്‍ എല്‍ കെ അഡ്വാനിയുടെ നേതൃത്വത്തിലുള്ള സര്‍ക്കാര്‍ നിലവില്‍വരും- അദ്ദേഹം പറഞ്ഞു.
1 comment:
Dears
Assalamu alalikum w.w
Very interesting coverage, keep it
up....
Post a Comment