പട്‌ന: തനിക്കും ബിഹാര്‍ മുഖ്യമന്ത്രി നിതീഷ്‌കുമാറിനുമെതിരേ സഭ്യേതരമായ ഭാഷയില്‍ പ്രസംഗിച്ചതിനു മുന്‍ മുഖ്യമന്ത്രി റബ്‌റീ ദേവിക്കെതിരേ ജെ.ഡി.യു പ്രസിഡന്റ്‌ രാജീവ്‌ രഞ്‌ജന്‍ സിങ്‌്‌ ലലന്‍ മാനനഷ്ടത്തിനു കേസ്‌ ഫയല്‍ ചെയ്‌തു. അഡീഷനല്‍ ചീഫ്‌ ജുഡീഷ്യല്‍ മജിസ്‌ട്രേറ്റ്‌ കോടതിയിലാണു കേസ്‌ ഫയല്‍ചെയ്‌തത്‌. പരാമര്‍ശം പൊതുജനമധ്യത്തില്‍ തന്റെ പ്രതിച്ഛായക്ക്‌ മങ്ങലേല്‍പ്പിച്ചുവെന്ന്‌ ഹരജിക്കാരന്‍ ചൂണ്ടിക്കാട്ടി.
ഈ മാസം അഞ്ചിനാണു സരണ്‍ ലോക്‌സഭാ മണ്ഡലത്തിലെ ഗര്‍ഖയില്‍വച്ചു റബ്‌റി വിവാദ പ്രസംഗം നടത്തിയത്‌. നിതീഷ്‌ കുമാറും ലലനും അളിയന്‍മാരാണെന്നാണു അവര്‍ പ്രസംഗിച്ചത്‌. ഇത്‌ അപകീര്‍ത്തികരമാണെന്നാണു പരാതി. താനും നിതീഷ്‌ കുമാറും അളിയന്‍മാരല്ലെന്ന്‌ അറിയാമായിരുന്നിട്ടും ദുരുദ്ദേശ്യപരമായിട്ടാണു റബ്‌റി പ്രസംഗിച്ചതെന്നു ഹരജിയില്‍ വ്യക്തമാക്കി. ഹരജിക്കാരന്‍ ചൂണ്ടിക്കാട്ടിയ മൂന്നു സാക്ഷികളുടെ മൊഴി മെയ്‌ നാലിനു രേഖപ്പെടുത്താന്‍ കോടതി തീരുമാനിച്ചിട്ടുണ്ട്‌.
No comments:
Post a Comment