കൊല്‍ക്കത്ത: അന്തരിച്ച കമ്യൂണിസ്റ്റ് ആചാര്യന്‍ ജ്യോതിബസുവിന്റെ കണ്ണുകള്‍ രണ്ടുപേരുടെ ജീവിതത്തിനു പ്രകാശമേകും. ബസുവിന്റെ ആഗ്രഹപ്രകാരം 'സുശ്രുത്' കണ്ണാസ്പത്രിയിലെ ഡോക്ടര്‍മാരാണ് നേത്രപടലം ഏറ്റെടുത്തത്. മരണം ഉറപ്പായി ഒരു മണിക്കൂറിനകം എത്തിയ 'സുശ്രുത്' ഐ ഫൗണ്ടേഷന്‍ ആന്‍ഡ് റിസര്‍ച്ച് സെന്റര്‍ സെക്രട്ടറി ആര്‍.സി. പാലിന്റെ നേതൃത്വത്തിലുള്ള ഡോക്ടര്‍മാര്‍ നേത്രപടലം സ്വീകരിച്ചു. ബുധനാഴ്ചയോ വ്യാഴാഴ്ചയോ തന്നെ രണ്ടുപേര്‍ക്ക് അവ വെച്ചുപിടിപ്പിക്കുമെന്ന് ആസ്പത്രി വൃത്തങ്ങള്‍ സൂചന നല്‍കി. നേത്രബാങ്കില്‍ സംരക്ഷണ ദ്രാവകത്തിലാണ് നേത്രപടലം സൂക്ഷിച്ചിട്ടുള്ളത്. ബസുവിനെപ്പോലൊരു ഉന്നത നേതാവ് നേത്രദാനത്തിനും ശരീരദാനത്തിനും തയ്യാറായി മുന്നോട്ടുവന്നത് അഭിനന്ദനീയമാണെന്ന് ആസ്പത്രി അധികൃതര്‍ പറഞ്ഞു. ഇതു മറ്റുള്ളവര്‍ക്കും പ്രചോദനമാവും. ബസുവിന്റെ നേത്രദാനം സംബന്ധിച്ച വാര്‍ത്തകള്‍ വന്നതിനുശേഷം ഒട്ടേറെപ്പേര്‍ നേത്രദാനത്തിനു സന്നദ്ധരായി ആസ്പത്രിയിലെത്തുന്നുണ്ടെന്ന് അവര്‍ പറഞ്ഞു. ബസുവിന്റെ മൃതദേഹം അണുബാധയില്‍നിന്ന്....
No comments:
Post a Comment