യുവ സൂപ്പര്‍താരം പൃഥ്വിരാജിനെതിരെ തിരക്കഥാകൃത്ത് സുനില്‍ പരമേശ്വരന്‍ രംഗത്ത്. വാക്കിനു മൂല്യമില്ലാത്ത നടനാണ് പൃഥ്വിയെന്ന് സുനില്‍ തുറന്നടിച്ചു. ഒരു പ്രമുഖ സിനിമാ പ്രസിദ്ധീകരണത്തിന് നല്‍കിയ അഭിമുഖത്തിലാണ് പൃഥ്വിരാജിനെതിരെ ‘അനന്തഭദ്ര’ത്തിന്‍റെ തിരക്കഥാകൃത്ത് രംഗത്തെത്തിയത്. താന്‍ തിരക്കഥയെഴുതുന്ന ‘മാടന്‍ കൊല്ലി’ എന്ന ചിത്രത്തില്‍ നിന്ന് പൃഥ്വി അവസാന നിമിഷം പിന്‍‌മാറിയതാണ് സുനില്‍ പരമേശ്വരനെ ചൊടിപ്പിച്ചത്. "മലയാള സിനിമയെ ചതിക്കുകയാണ് പൃഥ്വിരാജ് ചെയ്തത്. ലോകോത്തര സിനിമയെക്കുറിച്ച് സംസാരിച്ചിട്ടോ ടിവി ചാനലുകളില്‍ പ്രസംഗിച്ചു നടന്നിട്ടോ കാര്യമില്ല. വാക്കിന് വില കല്‍പ്പിക്കണം. ഇതിനെ നെറികേടെന്നേ പറയാന്‍ കഴിയൂ. മലയാള സിനിമയോടും സംവിധായകരോടും ടെക്നീഷ്യന്‍‌മാരോടുമുള്ള ദ്രോഹമാണ് പൃഥ്വിരാജ് ചെയ്തത്. കഥ കേട്ട് ഇഷ്ടപ്പെട്ട്, ഡേറ്റും തന്ന് അഡ്വാന്‍സും വാങ്ങിയശേഷം ഇത്തരം നെറികേട് കാട്ടുന്നത് വിശ്വാസവഞ്ചനയാണ്” - സുനില്‍ പരമേശ്വരന്‍ പറയുന്നു.
No comments:
Post a Comment